Torsdag 29. april 2010 vart det gjennomført idéseminar for deltakarane i gardsturismeprosjektet i Nordherad.

Utfordringa var:
Korleis kan vi utvikle og profilere Nordherad, og gjere grenda enno meir attraktiv for innbyggjarar og gjestar?

Målet med kvelden var å

- Komme med utviklande, spennande og interessevekkande innspel som kan føre til meir aktivitet, fleire gjestar, fornøgde innbyggjarar og meir blest om Nordherad
- Spennande og salsfremmande profilerings- og marknadsføringstiltak for best mogleg synleggjering av Nordherad
- Gje framtidsretta innspel til Nordheradsprosjektet, som gjennom innbyggjarane og andre kan realisere innspela som kjem

Dei kreative deltakarane denne kvelden var

- Valbjør Gard (2)
- Nigard Visdal (1)
- Uppigard Visdal (2)
- Helle gard (1)
- Nigard Berge (1)
- Moshuset (2)

Det vart ein positiv og vellukka kveld, med svært mange gode idear.

I fyrste runde skulle alle kome med sine assosiasjonar til Nordherad , skrive kvar assosiasjon på ein lapp og henge den på veggen.  Til saman kom det opp omtrent 200 assosiasjonar. Desse vart sortert inn i 6 grupper som deltakarane etter kvart namngav.

- Vågås perle/natur   
- Dyreliv  
- PR/informasjon  
- Historisk 
- Aktivitetar/turmoglegheiter
- Gjestfridom

Ut frå desse 6 grupperingane starta ideane å strøyme på.  I jakta på dei gode ideane, med god hjelp av ulike roller kom det til saman opp 101 idear til utvikling i Nordherad. 

Litt kriging måtte til, før det til slutt vart prioritert 5 idear, som gruppa konkretiserte noko meir. Det var mykje latter, gode ord og flott stemning som saman med engasjerte, inspirerte og kreative grendefolk bidrog til ein flott kveld!